نظرات
⚜ فال چل سرو یکی از مشخصه ی سرزمینهای لک نشین است ابیاتی از فال چلسرو لکی 🔹 ئر دوس هزار بو، هر تو یارِمی / هر تو یارَكِه، نو شكارِمی 🔹 گِلِه گوشتِ تویشك، وَ گوپِه نونا / ماچِ تویله دِت، سه‌تیر وَ شونا 🔹 دَمَكَت بار بِن دَم دَمانِت كَم / سورمِه عطاری پِر چمانِت كَم 🔹 خانِم نِمَرِه. گوشت شكارِم / كو گَردی بِكم ئرا كی بارِم 🔹 شو مانگی خاصه و شرط خوشت بو / سوزه بالابرز و ترکشت بو 🔹 ژیر سریت نی بو، ژیر پاییت له بو/ ژ مال ژ دنیا هر ژنت خاص بو 🔹 خدا برسن روژی قلیانم / تماکو فروش بکه میمانم 🔹 هر مای هر مچی بو تا کلت کم / و باووان مچی دس وه ملت کم 🔹 بومه کونیلک و سر شانت / تک تک بتکیام و نرمی رانت 🔹 ئر دوس بزانه مه حالم چوینه / نه زلفه میلی نه خال و سینه 🔹 نزانم دتی یا دسگیرونی / قرپ قرپ کوشه کت مالم رمونی 🔹 یه شو دیمه خاو،خواوو دروو نیه / دسم وه مله دوسکم بیه 🔹 و یادته مای کارد بری دسم / دسمال آووردت بستینه دسم 🔹 دسکم بگر بور و مالکت / بکم و میمان تنیا خالگت 🔹 خدا خدام بی ژ مال بوینه در / چارشو عروسی بکیشی و سر 🔹 ئه هوارر هتین رنکت نریاوی/ صد قسم بری ماچت کریاوی 🔹 خوشمه چه ته مای در در پاکت/ چن جوان کشیا ئه سر جاکت 🔹 ری یگه خرماوه باجن و کنجی / ئره دوسه که دنو برنجی 🔹 ری یگه کرماشان تپ توز مه که / دلم تقاضا لا دوسه مه ک 🔹 ری یگه کرماشان بسازن و چو/ ئرا یارگم هر بای هر بای بچو 🔹 ژیر سری مخمل بالش پر و پو/ یه طوری بکه جا هردکمان بو 🔹 جاده خرماوه گردی اسفالته / بوشنه دوسکم سو ملاقاته 🔹 جاده خرماوه بکنه شیشه/ بوش دوست درم ئرا همیشه 🔹 صوفی صافی بیم چمه زیارت/ سوزه هنکچی دل برد میه خارت 🔹 کل ولام نویی ور مخار جام بی/ چویر مخواردم شو منزلگام بی 🔹 مه کراسمه مه سر تا پا لار بو/نه کل بو نه در نه زمین مال بو 🔹 ژیر سری مخمل بالش پر و پو / یه طور بکه جا هردکمان بو 🔹 ئر بوینه لق لق بچینه موی لق/ شکار وژمی و فرموده حق 🔹 ئر بوینه ماهی بچینه دریا / مومه قلاوه مکمت پیا 🔹 کوور گن گن بای،بوینه هماری/ ولا دوس مچم و سر سواری 🔹 خانم و درو کم بنه‌ار کولم/تو و مال وژت،مه و انجولم 🔹 چِل گو، چِل نیم گو، چِل كریم‌خونی(نیم قرانی)/ نُخرَه ریز كِردیه، تا پِشتِ زونی 🔹اگر بِنیشم دل بی‌قرارَه/اگر هیز گِرِم، سایَم دِیارَه 🔹 ئه هوارِر هَتین، وِتِم یَه یارَه/ گِلارَم كور بو، یَه خو رِویارَه» 🔹 دایا تو پیرین، گُپِت قُپیایَه/ سَرداری مخمل، وَ تو مِنایَه» 🔹 شرط بو. ئژ داخِت، هَر یَه حالِم بو/ برگِ آزیَتی، سال وَ سالِم بو» 🔹 خُدا تَ بِین دِه، دُنیاتَ دِل بو/پرچینِت میخك، هُم رازِت، گُل بو» 🔹 خُدالَم شُوكره، رَسیم وََ مَطلُو/دِلِم ساكت بی اژ پژاره شُو» 🔹 اِ هُوارِر هَتین، توپ و گُل دمی/سروَن سنگ‌اَلا، پیاله چَمی 🔹 اِسا پیر بیمه، وَلگِم رِزیایه/گَل‌گَل نازاران، وَ سام توریایه» 🔹کلم كوشتیه، هشت پا وَ نُه/گورگ،چوُویر هواردِه كَلِه كَوَر كوه» 🔹بیه‌سَه كارِت، وَ بِرجا نیشتِن/وَ تیرِ بِژنگ، رِویاری كُشتِن» 🔹تَرسِم، دُما مه، قالِ بر پا بو/كیاكی بِكن، كی كتخدا بو 🔹 شاوار دو شاوار اِ یَك رِشیایَه/كِلیل‌دار شاوار، اَركو كوشیایَه» 🔹 هر چه هِنام كِرد، هِنام نَرَسی/دام اَ نوم سَرِم وَ هَر دو دَسی» 🔹 بیمه‌سَه بویل‌كو سِته وَر مالان/هر باده مِیو، مُرِم وَ تالان» 🔹 اِ قصرر هَتِم، لیمو بارِمه/و كَس نِمه‌مه اَرا یارِمه» 🔹 یَه مالِ كیَه بیَه ویروُنه/قوقو بایَه قوش، لِش كِرده لونَه» 🔹 خوَشحال و اَرجِن، چوُویر هُومساسِه/تِك‌تِك برفان، راخیز و پاسِه» 🔹 نازار اَر نویاین، بادِم بِردَ بی/ناكَس زنگانیم، زویخ‌آو، كِردَه بی» 🔹 دوس اول خاص، اِسه مِیل سَردِم/اِسَه یاخی بی، وَ حرفِ مَردِم» 🔹 دوس دُوروزِن، سَر دُورو لَقِن/ رِنِ حیله‌باز بِن كیسه تَكِن» 🔹 اَر دوس هزار بو،هرتو یارِمی/ هر تو یارَكِه، نو شكارِمی 🔹گِلِه گوشتِ تویشك، وَ گوپِه نونا/ ماچِ تویله دِت، سه‌تیر وَ شونا» 🔹 خوَزگال و كوچلَه، تَنَك و تُنِك/مِدام ها وَ دَس سوزه بو هُنِ
می توانید دیدگاه خود را بنویسید
|
باردید دیروز : 625 بازدید هفته : 834 بازدید ماه : 3,820 بازدید سال : 16,316 بازدید کلی : 38,366 |
آمار مطالب
آمار بازدید